પ્રેમરસ પાને

પદ 3૮ રાગ એજ.

પ્રેમરસ પાને તું મોરના પિચ્છધર ! તત્ત્વનું તું પણું તુચ્છ લાગે;

દૂબળા ઢોરનું, કુશકે મન ચળે, ચતુરધા મુક્તિ તો એ ન માગે. —

પ્રેમ. ૧

પ્રેમની વાત પરીક્ષિત પ્રીછ્યો નહિ, શુકજીએ સમજીને રસ સંતાડ્યો;

જ્ઞાન વૈરાગ્ય કહી, ગ્રંથ પૂરો કર્યો; મુક્તિનો મારગ સીધો દેખાડ્યો. —

પ્રેમ. ૨.

મારીને મુક્તિ આપી ઘણા દૈત્યને, જ્ઞાની, વિજ્ઞાની, બહુ મુનિ રે જોગી;

પ્રેમને જોગ તો, વ્રજતણી ગોપિકા, અવર વિરલા કોઈ ભક્ત ભોગી. —

પ્રેમ. ૩.

પ્રેતને મુક્તિ તો પરમ વલ્લભ સદા, હેતુના જીવતો હેતુ ત્રુઠે;

જન્મોજનમ લીલારસ ગાવતાં, લાભનાં વહાણ જેમ દ્વાર છૂટે. —

પ્રેમ. ૪.

મેં ગ્રહ્યો હાથ ગોપીનાથ ગરવાતણો, અવર બીજું કોઇયે ન ભાવે;

નરસૈંયો મ્હામતિ ગાય છે ગુણ કથી, જતિ સતિને તો સપપ્ને ન આવે. —

પ્રેમ. ૫.

અન્ય સંસ્કરણ

[ ફેરફાર કરો ]

પ્રેમરસ પાને તું મોરના પિચ્છધર !

તત્ત્વનું ટૂંપણું તુચ્છ લાગે;

દૂબળા ઢોરનું કુશકે મન ચળે,

ચતુરધા મુક્તિ તેઓ ન માગે. પ્રેમ0

પ્રેમની વાત પરીક્ષિત પ્રીછ્યો નહિ,

શુકજીએ સમજી રસ સંતાડ્યો;

જ્ઞાન વૈરાગ્ય કરી, ગ્રંથ પૂરો કર્યો;

મુક્તિનો માર્ગ સૂધો દેખાડ્યો. પ્રેમ0

મારીને મુક્તિ આપી ઘણા દૈત્યને,

જ્ઞાની, વિજ્ઞાની, બહુ મુનિ રે જોગી;

પ્રેમને જોગ તો વ્રજતણી ગોપિકા,

અવર વિરલા કોઈ ભક્ત ભોગી. પ્રેમ0

પ્રેતને મુક્તિ તો પરમ વલ્લભ સદા,

હેતુના જીવ તે હેતુ તૂઠે;

જનમોજનમ લીલારસ ગાવતાં,

લહાણનાં વહાણ જેમ દ્વાર છૂટે. પ્રેમ0

મેં ગ્રહ્યો હાથ ગોપીનાથ ગરવા તણો,

વાત બીજી નવ લાગે મીઠી;

નરસૈંયો જાચે છે રીતિ-મતિ પ્રેમની,

જતિ સતીને તો સપને ન આવે. પ્રેમ0

નરસિંહ મહેતા (વિકિપીડિયા ગુજરાતી)